ຕາມຂ່າວຕ່າງປະເທດລາຍງານວ່າ: ທ່ານອົສຄາເຟນັນເຕັສທາຣັນໂຄຮອງເລຂາທິການໃຫຍ່ອົງການສະຫະປະຊາຊາດຫລືສປຊທີ່ຮັບຜິດຊອບວຽກງານການເມືອງ ກ່າວວ່າປະຈຸບັນຜູ້ຮັບຜິດຊອບການເຈລະຈາຂອງອິດສະຣາແອນແລະປາເລັສຕິນພວມກະກຽມຈັດກອງປະຊຸມພາຍໃຕ້ການຊຸກຍູ້ຂອງຊອກດານີ.

   ເມື່ອວັນທີ24 ມັງກອນຜ່ານມາ, ໃນເວລາແຈ້ງສະຖານະການພາກຕາເວັນອອກກາງຕໍ່ສະພາຄວາມຫມັ້ນຄົງແຫ່ງສປຊ, ທ່ານທາຣັນໂຄກ່າວວ່າພາຍໃຕ້ການຊຸກຍູ້ຂອງຊອກ ດານີ, ຜູ້ຮັບຜິດຊອບການເຈລະຈາຂອງອິດສະຣາແອນແລະປາເລັສຕິນໄດ້ພົບປະກັນເປັນເທື່ອທຳອິດຢູ່ອານມັນໃນວັນທີ3 ມັງກອນ, ຫລັງຈາກນັ້ນໄດ້ມີການຈັດກອງປະຊຸມ ກະກຽມຕ່າງໆ, ໃນກອງປະຊຸມດັ່ງ ກ່າວທັງສອງຝ່າຍໄດ້ປຶກສາຫາລືກັນກ່ຽວກັບບັນຫາຜືນແຜ່ນດິນອັນຄົບຖ້ວມແລະຄວາມປອດໄພ, ສ້າງຄວາມໄວ້ເນື້ອເຊື່ອໃຈເຊິ່ງກັນ ແລະ ກັນແລະສ້າງເງື່ອນໄຂທີ່ດີໃຫ້ແກ່ການຟື້ນຟູການເຈລະ ຈາໂດຍກົງຄືນໃຫມ່.

    ພາຍຫລັງກອງປະຊຸມຄັ້ງຜ່ານມາ, ທ່ານຣິຢັດມັນຊູນັກສັງເກດການປະຈຳສປຊຂອງປາເລັສຕິນກ່າວວ່າອິດສະຣາແອນຕ້ອງຢຸດຕິການສ້າງຕັ້ງຖິ່ນຖານຊາວຢິ້ວຢູ່ດິນແດນ ຂອງປາເລັສຕິນທີ່ຖືກຢຶດຄອງ, ຖ້າບໍ່ດັ່ງນັ້ນປາເລັດຕິນຈະບໍ່ເປີດການເຈລະຈາໂດຍກົງຄືນໃຫມ່.