ໂດຍ: ບຸນຊ່ອມ
 ທ່ານ ບຸນຍັງ ຈັນດາລາສານ ຮອງເລຂາພັກແຂວງຮອງເຈົ້າແຂວງປະທານສະມາຄົມກີລາ ແຂວງໄຊຍະບູລີ ໄດ້ຕ້ອນຮັບຄະນະນຳ, ຄູຝຶກ ແລະ ນັກກີລາ ລົດຖີບທີ່ສຳເລັດ ການເຂົ້າຮ່ວມ ງານມະຫະກຳກີລາແຫ່ງຊາດ ຄັ້ງທີ IX ໄກ່ຜູ້ໂອກເກມ ທີ່ຫລວງ ພະບາງເມືອງມໍລະດົກໂລກ ໂດຍ ພິທີດັ່ງກ່າວມີຂຶ້ນໃນຕອນບ່າຍ ວັນທີ 21 ທັນວາ 2011 ທີ່ຫ້ອງການກີລາກາຍະກຳ ແຂວງ,  ໂດຍ ມີຮອງຫົວຫນ້າພະແນກສຶກສາທິການ ແລະ ກີລາແຂວງ, ຄູ- ອາຈານ, ນັກຮຽນ ພ້ອມດ້ວຍ ພາກສ່ວນກ່ຽວຂ້ອງເຂົ້າຮ່ວມ.
  ໃນພິທີທ່ານ ພັນ ດວງຕາ ຮອງຫົວຫນ້າຫ້ອງການກີລາກາຍະກຳແຂວງໄດ້ລາຍງານຜົນສຳເລັດຂອງການເຂົ້າຮ່ວມແຂ່ງ ຂັນກີລາໃນງານມະຫະກຳກີລາແຫ່ງຊາດຄັ້ງທີ IX ເຊິ່ງແຂວງ ໄຊຍະບູລີ ໄດ້ສ່ົງນັກກີລາເຂົ້າ ຮ່ວມແຂ່ງຂັນທັງຫມົດ 10 ປະ ເພດ, ມີນັກກີລາ 180 ກວ່າຄົນ, ສາມາດຍາດໄດ້ 18 ຫລຽນຢູ່ ໃນອັນດັບທີ 12 ຂອງຕາຕະ ລາງ, ໃນນີ້ມີ 3 ຫລຽນຄຳ, 7 ຫລຽນເງິນ ແລະ 8  ຫລຽນທອງ, ກີລາລົດຖີບແມ່ນຫນຶ່ງໃນລາຍ ການກີລາທີ່ມີຜົນສຳເລັດ ເຊິ່ງ ສາມາດຍາດໄດ້ 2 ຫລຽນຄຳ ປະເພດດ່ຽວຍິງ ໂດຍແມ່ນ ນາງ ບົວລາ ເພັງສະກຸນ ແລະ ໄດ້ຮັບ ອີກ 3 ຫລຽນເງິນລວມທັງຫມົດ 5 ຫລຽນ.
  ທ່ານ ນາງ ບຸນເນົາ ບຸນຊູຮັກ ຄູຝຶກກີລາລົດຖີບກ່າວວ່າ: ການ ເຂົ້າຮ່ວມງານມະຫະກຳກີລາ ແຫ່ງຊາດຄັ້ງທີ IX ນີ້ ແຂວງໄຊ ຍະບູລີ ໄດ້ສົ່ງນັກກີລາລົດຖີບເຂົ້າຮ່ວມທັງຫມົດ 7 ຄົນ, ຍິງ 4 ຄົນ, ຖືວ່າ ການແຂ່ງຂັນໄດ້ຮັບ ຜົນສຳເລັດເປັນທີ່ຫນ້າເພິ່ງພໍໃຈ ເຖິງແມ່ນວ່າບໍ່ສາມາດໄດ້ຕາມ ເປົ້າທີ່ຕັ້ງໄວ້ຄື: 3 ຫລຽນຄຳ ແຕ່ກໍ່ເຫັນວ່ານັກກີລາທຸກຄົນເຮັດໄດ້ດີທີ່ສຸດທຽບໃສ່ງານມະ ຫະກຳກີລາແຫ່ງຊາດຄັ້ງທີ VIII ປາ ຂ່າເກມທີ່ຈຳປາສັກ ກີລາລົດຖີບ ໄດ້ພຽງ 1 ຫລຽນທອງເທົ່ານັ້ນ, ສະແດງວ່າປະຈຸບັນກີລາລົດຖີບ ແຂວງໄຊຍະບູລີພວມໄດ້ຮັບການພັດທະນາ ດີຂຶ້ນເປັນກ້າວໆ.
  ຂອງພິທີ ທ່ານ ບຸນຍັງ ຈັນດາລາສານ ໄດ້ກ່າວຍ້ອງຍໍ ຊົມເຊີຍຕໍ່ຜົນງານ ແລະ ໄຊຊະ ນະກໍ່ຄື ຜົນສຳເລັດຂອງການ ແຂ່ງຂັນກີລາລົດຖີບໃນຄັ້ງນີ້ ພ້ອມນັ້ນ ທ່ານ ຍັງໄດ້ຮຽກຮ້ອງໃຫ້ຄູ ຝຶກກໍ່ຄື ນັກກີລາຈົ່ງສືບຕໍ່ຝຶກຊ້ອມ ແລະ ພັດທະນາກີລາດັ່ງກ່າວ ເພື່ອເຂົ້າຮ່ວມແຂ່ງຂັນ ລາຍການອື່ນຕໍ່ໆໄປ.