ຂ່າວ:ນາງອາລີລັດ

ໃນປີ 2011 ຜ່ານມາ, ຢູ່ເມືອງໄຊຍະບູລີແຂວງໄຊຍະບູລີມີອຸບັດເຫດເກີດຂຶ້ນ 52 ຄັ້ງປະເມີນຄວາມເສຍຫາຍໄດ້ 900 ກວ່າລ້ານກີບສາເຫດຫລັກ ເກີດຈາກເມົາແລ້ວຂັບ.

ທ່ານຮ້ອຍ ໂທໄຊຊະນະເພັດ ສະໄຫວ ຫົວຫນ້າກອງຕຳຫລວດຈາລະຈອນເມືອງໄຊຍະບູລີໄດ້ໃຫ້ສຳພາດວ່າ: ຍອດຕົວເລກອຸບັດເຫດສະເພາະເມືອງໄຊຍະບູລີໃນ 1 ປີ ຜ່ານມາມີທັງຫມົດ52 ຄັ້ງສົ່ງຜົນໃຫ້ມີຜູ້ໄດ້ຮັບບາດເຈັບ87  ຄົນ, ໃນນັ້ນເຈັບສາຫັດ13 ຄົນ, ເຈັບສົມຄວນ30 ຄົນ, ເຈັບເລັກນ້ອຍ44 ຄົນຍານພາຫະນະເປ່ເພທັງຫມົດ 94 ຄັນ ເປ່ເພທຳມະດາ 40 ຄັນ,  ເປ່ເພສົມຄວນ 44 ຄັນ, ໃຊ້ການບໍ່ໄດ້10 ຄັນ, ເຊິ່ງມີມູນຄ່າເສຍຫາຍເຖິງ 938,3 ລ້ານກວ່າກີບອຸບັດເຫດທີ່ເກີດຂຶ້ນສ່ວນໃຫຍ່ແມ່ນຍ້ອນການດື່ມ ສິ່ງ ມຶນເມົາແລ້ວຂັບຂີ່, ຂັບຂີ່ລົດດ້ວຍຄວາມປະຫມາດ, ລ້ຽວລົດບໍ່ຮັບປະກັນ, ບໍ່ປ່ອຍສິດ, ຂັບຂີ່ລົດໄວ, ສະພາບເຕັກນິກລົດບໍ່ຮັບປະກັນ.

  ທ່ານຮ້ອຍໂທໄຊຊະນະເພັດສະໄຫວຍັງໃຫ້ຮູ້ຕື່ມວ່າ: ໃນໄລຍະທີ່ຜ່ານມາເຈົ້າຫນ້າທີ່ຈະລາຈອນເມືອງໄຊຍະບູລີຍັງໄດ້ເອົາໃຈໃສ່ປະຕິບັດຫນ້າທີ່ວຽກງານ ໂດຍສະເພາະແມ່ນໄດ້ ອອກເຄື່ອນໄຫວກວດກາຄວາມເປັນລະບຽບຮຽບຮ້ອຍຂອງການສັນຈອນຢູ່ຕາມຖະຫນົນຫົນທາງທັງກາງເວັນ ແລະ ກາງ ຄືນຢ່າງເຂັ້ມງວດ ເຊິ່ງພົບເຫັນຜູ້ລ່ວງລະເມີດກົດລະ ບຽບຈະລາຈອນທັງຫມົດ 1.437 ຄົນໃນນີ້ມີທັງຜູ້ບໍ່ໃສ່ຫມວກກັນກະທົບ, ບໍ່ໃສ່ແວ່ນສ່ອງຫລັງ, ບໍ່ໄຕ້ໄຟຕາ, ດັດແປງສະພາບເຕັກນິກ, ບັນທຸກເກີນກຳນົດ, ບໍ່ຖືເອກະສານ, ໃຊ້ ຄວາມໄວເກີນກຳນົດ ແລະ ລົດບໍ່ມີເອກະສານຕໍ່ຜູ້ລະເມີດທາງເຈົ້າຫນ້າທີ່ໄດ້ມີການສຶກສາອົບຮົມແລະປັບໃຫມຕາມລະບຽບກົດຫມາຍ.