ສິນຄ້າຂາຍດີ ສາລີມາແຮງເມືອງຮຸນສົ່ງອອກ ເກີນແຜນ 42,3%
ວັນທີ 27/01/2012 - ເວລາ 08:25:58 
ຂ່າວ: ຈັນໄດ
ຫ້ອງການອຸດສາຫະກຳການຄ້າເມືອງຮຸນ ແຂວງອຸດົມໄຊ ແຈ້ງໃຫ້ຮູ້ວ່າ: ໃນຫນຶ່ງປີຜ່ານມາດ້ວຍຄວາມເອົາໃຈໃສ່ສົ່ງເສີມການຜະລິດເປັນສິນຄ້າຂອງອຳນາດການປົກຄອງເມືອງ ທັງໃຫ້ຄວາມສຳຄັນການຄຸ້ມຄອງຫົວຫນ່ວຍທຸລະກິດຂະຫນາດນ້ອຍທີ່ຢູ່ໃນຂອບເຂດຄວາມຮັບຜິດຊອບ, ຄຸ້ມຄອງລາຄາສິນຄ້າການປະຕິບັດບັນດາໂຄງການຢ່າງມີລະບຽບແບບແຜນ ສົ່ງຜົນໃຫ້ປີຜ່ານມາເມືອງຮຸນບັນລຸມູນຄ່າການສົ່ງອອກ 87 ຕື້ກວ່າກີບ.
ທ່ານ ຄຳເພັງ ພອນຈະເລີນ ຮອງຫົວຫນ້າຫ້ອງການອຸດສາຫະກຳ ແລະ ການຄ້າເມືອງຮຸນ ໃຫ້ຮູ້ວ່າ: ເມືອງຮຸນຖືວຽກງານສົ່ງເສີມການຜະລິດ ແລະ ການຄ້າເປັນຫນຶ່ງໃນວຽກບຸລິມະສິດສຳຄັນແບ່ງຫນ້າທີ່ຮັບຜິດຊອບໃຫ້ບຸກຄົນແຕ່ການເຮັດວຽກຕ້ອງລວມສູນມີການສະຫລຸບລາຍງານສ່ອງແສງຕາມສາຍຕັ້ງ, ສາຍຂວາງເປັນປະຈຳ, ທັງອີງໃສ່ທ່າແຮງຂອງສິນຄ້າ ພາຍໃນເມືອງ, ການຜະລິດເປັນສິນຄ້າກໍ່ມີການຂະຫຍາຍຕົວຢ່າງຕໍ່ເນື່ອງ ເຊິ່ງເມືອງໄດ້ຫັນເອົາການຜະລິດແບບກະແຈກກະຈາຍເຂົ້າເປັນກຸ່ມຜະລິດ, ກຳນົດສິດຫນ້າທີ່ ແລະ ພາລະບົດບາດໃນການຈັດຕັ້ງກຸ່ມຜະລິດມີລະບຽບການສະເພາະ ແລະ ມີການຈັດຕັ້ງຢ່າງເປັນຮູບປະທຳໂດຍສົມທົບກັບຂະແຫນງກະສິກຳ.
ນອກນັ້ນ ຍັງໄດ້ຂຶ້ນແຜນການຈັດຕັ້ງກຸ່ມເກັບຊື້ຜົນຜະລິດຕິດຕາມຄຸ້ມຄອງກວດກາສິນຄ້າເປັນປົກກະຕິບໍ່ໃຫ້ສິນຄ້າຮົ່ວໄຫລ ແລະ ສາມາດມອບລາຍຮັບເຂົ້າງົບປະມານໄດ້ຕາມຄາດ ຫມາຍຈິ່ງເຮັດໃຫ້ໃນ 1 ປີຜ່ານ ມາລວມມູນຄ່າສິນຄ້າອອກຈາກເມືອງໄດ້ທັງຫມົດ 87 ຕື້ກວ່າກີບ ທຽບໃສ່ແຜນການປີປະຕິບັດ ໄດ້ 142,3% ຫລື ເທົ່າກັບ 10,8 ລ້ານໂດລາສະຫະ ລັດສົມທຽບໃສ່ປີຜ່ານມາເພີ່ມຂຶ້ນ 140,6%.
ໃນນັ້ນ ມີສິນຄ້າກະສິກຳຈຳນວນ 53.035,6 ໂຕນມູນຄ່າ 85,8 ຕື້ກວ່າກີບ ເທົ່າກັບ 10,7 ລ້ານໂດລາສະຫະລັດ. ເດັ່ນກວ່າ ຫມູ່ແມ່ນສາລີຫົວອາຫານສັດ 52.460 ໂຕນມູນຄ່າ 84,6 ຕື້ກວ່າກີບ. ເຄື່ອງປ່າຂອງດົງມີ 237 ລ້ານກວ່າກີບສັດລ້ຽງ 117,5 ລ້ານກີບ ແລະ ສິນຄ້າ ປະເພດອື່ນໆ 809,4 ລ້ານກວ່າກີບ.
ທ່ານ ຄຳເພັງ ພອນຈະເລີນກ່າວຕື່ມວ່າ: ໃນປີ 2012 ຈະສູ້ຊົນພັດທະນາດ້ານອຸດສາຫະກຳ ແລະ ການຄ້າໃຫ້ມີການຂະຫຍາຍຕົວຢູ່ໃນລະດັບ 2528% ຂອງ GDP ພາຍໃນເມືອງຊຸກຍູ້ ສົ່ງເສີມການຜະລິດເປັນສິນຄ້າ ດ້ວຍຫລາຍວິທີການເປັນຕົ້ນ ແມ່ນການລົງທຶນຂອງພາກລັດ ແລະ ເອກະຊົນປຸກລະດົມທຸກ ພາກສ່ວນເສດຖະກິດຍົກຄຸນນະ ພາບສິນຄ້າໃຫ້ໄດ້ມາດຖານ ສ້າງມູນຄ່າເພີ່ມໃຫ້ຜູ້ຜະລິດຊຸກ ຍູ້ສົ່ງເສີມປະຊາຊົນບັນດາເຜົ່າ ໃຫ້ມີການຜະລິດສິນຄ້າແບບຍືນ ຍົງໂດຍອີງໃສ່ເງື່ອນໄຂຄວາມ ເອື້ອອຳນວຍຊັບພະຍາກອນທຳ ມະຊາດຂອງເມືອງສູ້ຊົນສ້າງ ມູນຄ່າສົ່ງອອກໃຫ້ໄດ້ 72 ຕື້ ກວ່າກີບເປັນຢ່າງຕ່ຳ.
2011 ອຸບັດເຫດສ້າງຄວາມເສຍຫາຍໃຫ້ເມືອງໄຊຍະບູລີ 900 ກວ່າລ້ານ (11)
ຮຸ້ນປິດບໍ່ປ່ຽນແປງ (7)
ກ້າວເປັນວິທະຍາໄລພອນສະຫວັນ ບໍລິຫານທຸລະກິດຢ່າງເຕັມຕົວ (8)
ສະຖາບັນການຕ່າງປະເທດຮຽນຮູ້ກ່ຽວກັບອາເຊມ (14)
ທະນາຄານທຸລະກິດ 4 ແຂວງພາກເຫນືອ ຮ່ວມສໍາມະນາບັນຫາການຟອກເງິນ (6)