ລາຄາຄຳຮູບປະພັນຢູ່ຕະຫລາດນະຄອນຫລວງວຽງຈັນ ທີ່ຊື້-ຂາຍວານນີ້ ປັບລົງເລັກຫນ້ອຍ; ຢ່າງໃດກໍ່ຕາມປະທານສະມາຄົມຊາວ ຄ້າຂາຍອັນຍະມະນີ ແລະເຄື່ອງປະດັບລາວຊີ້ວ່າ: ລາຄາຄຳໃນປະຈຸບັນຍັງບໍ່ແນ່ນອນມັນຍັງມີການຜັນແປຢູ່ຕະຫລອດເວລາ ແລະມີທ່າ ອຽງປັບຂຶ້ນຕໍ່ເນື່ອງ ຫລັງຈາກທີ່ຄວາມຕ້ອງການຖືຄອງຄຳໃນຕະຫລາດໂລກເພີ່ມສູງຂຶ້ນ.

   ລາຄາຄຳຮູບປະພັນຢູ່ຕະຫລາດ ນະຄອນຫລວງວຽງຈັນໃນວັນທີ 12 ມັງກອນ ຂາຍອອກຢູ່ທີ່ 5,56 ລ້ານກີບຕໍ່ບາດ ຂອງລາຄາໃນວັນ ທີ 11 ມັງກອນ.

   ສ່ວນລາຄາຄຳເປີດຕະຫລາດຮົງກົງໃນເຊົ້າວານນີ້ ປັບຂຶ້ນອີກ 7,5 ໂດລາສະຫະລັດຕໍ່ອອນມາຢູ່ທີ່ 1.384 ໂດລາສະຫະລັດຕໍ່ອອນ.

   ທ່ານພູວົງ ພະມີສິດ ປະທານສະມາຄົມຊາວຄ້າຂາຍອັນຍະມະນີ ແລະເຄື່ອງປະດັບລາວກ່າວວ່າເຖິງວ່າລາຄາຄຳໃນຕະຫລາດໂລກ ຈະຜັນແປ ແລະປັບຂຶ້ນຕະຫລອດໃນປີ 2010 ຜ່ານມາແຕ່ໂດຍລວມແລ້ວການຈຳຫນ່າຍກໍ່ຍັງພໍໄປໄດ້. ສ່ວນລາຄາຄຳໃນປີນີ້ເບິ່ງແລ້ວ ເຫັນວ່າຍັງມີທ່າອຽງທີ່ຈະປັບຂຶ້ນອີກ ເພາະບັນດານັກລົງທຶນໃນຕະຫລາດໂລກຫັນມາຖືຄອງຄຳຫລາຍຂຶ້ນເພື່ອຫລີກລ້ຽງຄວາມສ່ຽງ.